அரசியல்(லா) சாக்கடை???👍🙏😔

 "அரசியல் தான் நம்மை வழிநடத்துகிறது"

அரசியல் என்பதன் அர்த்தம் என்ன என்று இன்றளவும் தெரியாத பலர் நம் வையகத்தில் படித்த மேதாவிகள்... ஆம் அவர்களின் கூற்றுப் படி "அரசியல் ஒரு சாக்கடை"

உண்மையில் அரசியல் என்பது புனிதத்துவம் வாய்ந்தது 

"மக்களின் ஒருவன்

மக்களால் ஒருவன் 

மக்களுக்காக ஒருவன்"

இந்த வசனம் அறிந்திருப்பீர்கள் ஆம் உண்மையில் இதுதான் அரசியல் 

மக்களின் தேவையை அறிந்து அதை பூர்த்தி செய்ய மக்களில் ஒருவனாய் மக்களால் இவனால் எல்லோருக்கும் நன்மை உண்டு என்று ஒரு தலைவனாக அல்ல மக்களுக்கு ஒரு சேவகனை தேர்ந்தெடுப்பது அரசியல்...

அப்போ அரசியல் என்றால் "முழு சேவை மக்களுக்கான சேவை" அதற்கு சம்பளம் மக்களின் வரிப்பணம் 

மக்களின் தேவையை பூர்த்தி செய்ய மக்களின் வரிப்பணம் 

இது தான் முழு அரசியல்..

நான் சேவகன் அல்ல தலைவன் என்று பலர் மார்தட்டிக்கொண்டு ஆளுக்கொரு கட்சிகளை ஆரம்பித்துக்கொண்டு, சாதி, மதம் என்று பிரிவினை வகுத்துக்கொண்டு., பெண்களை குறிவைத்து அரசியல் செய்து கொண்டு, சேவைக்காக ஒதுக்கிய வரிப்பணத்தில் ஒரு பகுதியை தன் தேவைக்காக ஒதுக்கிக் கொண்டு , மக்களின் தேவையை பூர்த்தி செய்யாமல் உயர்த்திக் கொண்டே செல்வது தன் இன்றைய அரசியல் அதற்கு தான் படித்த மேதாவிகள் சிலர் அரசியல் ஒரு சாக்கடை என்று குமுறுவது போல் நடித்துக் கொண்டிருக்கிறார்கள்...

"நடிப்பது தான் அரசியல் என்பதுவும் ஒரு பொருள் உண்டு"

தேர்தல் என்றால் மக்களின்  எண்ணம் நல்ல சேவகனுக்கு வாய்ப்பு அளிக்க வேண்டும் என்றிலிருந்து இன்று இலவசம் கொடுப்பவனுக்கு வாய்ப்பு அளிக்க வேண்டும் என்ற நிலையை மக்களின் மனதில் எண்ணங்களை விதைத்துவிட்டார்கள்.. "அந்த இலவசத்தின் மதிப்பு"= "ஒட்டும் மொத்த மக்களின் தேவையின் மதிப்பு" என்றாவது கணக்கிட்டு பார்த்துள்ளோமா??? இல்லை காரணம் அன்றைய தேவை ஆயிரமோ, அல்லது இரண்டாயிரமோ இன்று கொஞ்சம் அதிகரித்து (மக்களின் தேவைக்காக)ஐந்தாயிரம் வாங்கி நமது ஓட்டை விற்பனை செய்கிறோம்... 

 

"பசு இருக்கும் இடம் எல்லாம் புனிதம் தான் 

பன்றிகள் இருக்கும் இடம் எல்லாம் சாக்கடை தான்" 

இப்போ புரியும் அரசியல் ஏன் சாக்கடை என்று...,

அத்தனை அரசியல்வாதிகளும் உத்தமர்கள் அல்ல அத்தனை அரசியல்வாதிகளும் பாவிகள் அல்ல ஆனால் ஒன்றோடு இன்று கலக்கும் போது சர்க்கரையும் உப்பாக மாறும்😉

ஓட்டு பணத்திற்காக அல்ல 

நம் அத்தியாவசிய தேவையை பூர்த்தி செய்ய

ஒரு ஓட்டின் மதிப்பு 5000 அல்ல 

பல கோடி மதிப்புள்ள நம் தேவைகளுக்கு இணையானது 

விற்று பிழைக்க ஓட்டு ஒரு பொருள் அல்ல 

உரிமையை விற்று ஊமையாக வாழ்வதற்கு 

இது அரசியல் என்ற சாக்கடை அல்ல 

களம் கண்டவர்களின் கொள்கை சாக்கடையில் மூழ்கிய அரசியல் 

இது முழுக்க முழுக்க விவாதத்திற்கோ அல்ல தவறாக சித்தரிக்கவோ அல்ல 

சிந்திக்க மட்டுமே 

சிந்தித்து சுய விளக்கம் கொள்ள...💪

பணமும் அரசியலும் ஒன்றல்ல 

பணமற்ற அரசியல் என்ற கொள்கையை உருவாக்குங்கள் 

நம் தேசம் சாக்கடை கொள்கைகளை விட்டு வெளியே வரட்டும் 

ஜெய்ஹிந்த்💪👍💐😒